Круг творчества

Лілія Ваўчок, Салігорск

Наведвайце бацькоў, пакуль жывыя,

Пакуль малітвы шэпчуць за жыццё

Сваіх сыноў і дочак - як святыя!

....І ціха адыходзяць у небыццё...

І стане свет увесь чужым, няўтульным.

І ў кожным поглядзе шукаем родны лік.

Жывём і дыхаем паветрам тым - матуліным.

Да іншага ніяк ты не прывык.

Далоні пахнуць мамінай любоўю -

З гадоў тых цёплых, светлых, дарагіх.

І сэрца напаўняецца журбою...

Прабач, матулька, птушанят сваіх.